Aleksandr Býblık álemdegi úzdik 30 tennısshiniń qataryna kirdi
NUR-SULTAN. QazAqparat – Kásipqoı tennısshiler qaýymdastyǵy (ATP) jańartylǵan reıtıngini jarııa etti, dep habarlaıdy QazAqparat tilshisi.
Qazaqstannyń birinshi raketkasy Aleksandr Býblık álemdegi úzdik otyz tennısshiniń qataryna kirdi.
Ol 31-den 30-orynǵa kóterilip, óziniń rekordtyq kórsetkishine qol jetkizdi.
Mıhaıl Kýkýshkın 168-den 166-ǵa, Dmıtrıı Popko 180-nen 178-ge joǵarylady.
Reıtıng kóshin burynǵysha serbııalyq Novak Djokovıch bastasa, reseılik Danııl Medvedev ekinshi, germanııalyq Aleksandr Zverev úshinshi orynda keledi.
Juptyq synda Andreı Golýbev 31-den 34-ke, A.Býblık 67-den 72-ge syrǵysa, Aleksandr Nedovesov 68-den 63-ke shyqty.
Áıelder arasynda aýstralııalyq Eshlı Bartı, Belarýs ókili Arına Sobolenko, chehııalyq Barbora Kreıchıkova alǵashqy úshtikte tur.
Qazaqstannyń birinshi raketkasy Elena Rybakına 16-dan 20-satyǵa jaıǵassa, ıÝlııa Pýtıntseva 42-den 39-ǵa, Zarına Dııas 114-ten 113-ke joǵarylady.
Juptyq synda Anna Danılına óziniń rekordtyq kórsetkishterin jalǵastyrýda. Bul joly ol 23-ten 22-orynǵa kóterildi. E.Rybakına 51-den 48-satyǵa joǵarylady.
Qazaqstandyq tennısshiler osy aptadaǵy jarystarda tabysty óner kórsetse, reıtıngtegi kórsetkishterin jaqsarta alady.
Atap aıtqanda, A.Býblık júlde qory 2,8 mln AQSh dollaryna jýyqtaıtyn Dýbaı ATP 500 týrnıriniń alǵashqy aınalymynda álemniń 11-raketkasy, Polsha ókili Hýbert Gýrkachpen synǵa túsedi. Ol sondaı-aq juptyq synda túrkııalyq Altýg Chelıkbılekpen birge irikteý saıysyn sátti ótkizip, negizgi týrnırge joldama aldy. Bul juptyń alǵashqy qarsylastary – H.Gýrkach pen ıtalııalyq ıAnnık Sınner.
E.Rybakına búgin júlde qory 2,6 mln AQSh dollarynan asatyn Doha WTA 1000 jarysynda bastapqy kezdesýin dúnıejúzilik reıtıngte 71-orynda turǵan rýmynııalyq Jaklın Adına Krıstıanmen ótkizedi.
Eske sala keteıik, budan buryn ıÝlııa Pýtıntsevanyń Dohada álemniń burynǵy birinshi raketkasyna jol bergenin jazǵan bolatynbyz.
