Aleksandr Býblık álemdegi úzdik 100 tennısshiniń qataryna endi
NUR-SULTAN. QazAqparat - Qazaqstandyq Aleksandr Býblık búgin jańartylǵan reıtıngte álemdegi úzdik 100 tennısshiniń qataryna endi, dep habarlaıdy QazAqparat tilshisi.
A.Býblık buryn 120-orynda bolsa, birden 21 satyǵa kóterildi.
Sóıtip 21 jasar tennısshi 99-raketka atandy. Ol osylaısha sporttyq jolyndaǵy úzdik kórsetkishine (95) jaqyn qaldy.
Bıyldyń ózinde úsh birdeı chellendjer týrnırin utqan A.Býblıktiń reıtıngtegi orny osylaısha joǵarylap keledi.
Qazaqstannyń birinshi raketkasy Mıhaıl Kýkýshkın 44-satyda tur.
Taǵy bir qazaqstandyq Aleksandr Nedovesov bir saty keıin syrǵydy, ol 187-orynda.
Áıelder arasynda ıÝlııa Pýtıntseva 38-ornyn saqtap qaldy.
Zarına Dııas 107-den 104-ke kóterildi. Elena Rybakına 143-satyda keledi.
Eske sala keteıik, budan buryn A.Býblıktiń Monterreı týrnıriniń jeńimpazy atanǵanyn jazǵan bolatynbyz.
