Aleksandr Býblık AQSh ashyq chempıonatynyń ekinshi aınalymyna shyqty
NUR-SULTAN. QazAqparat – Qazaqstannyń birinshi, álemniń 47-raketkasy Aleksandr Býblık AQSh ashyq chempıonatynyń ekinshi aınalymyna shyqty, dep habarlaıdy QazAqparat tilshisi.
A.Býblık bastapqy kezdesýin dúnıejúzilik reıtıngte 72-orynda turǵan frantsııalyq ıÝgo Gastonmen ótkizdi.
Qazaqstandyq tennısshi 6:4, 6:4, 6:4 esebimen jeńiske jetti.
Bir saǵat 46 mınýtqa sozylǵan match barysynda Býblık 13 eıs jasap, 12 breık-poınttyń beseýin paıdalandy. Gaston 1 eıs, 2 breıkpen (6 breık-poınt) kózge tústi.
A.Býblık ekinshi aınalymda álemniń 15-raketkasy, ıspanııalyq Pablo Karreno-Býstamen sheberlik baıqasady. Ol aýstrııalyq Domınık Tımdi joldan taıdyrdy – 7:5, 6:1, 5:7, 6:3.
Júlde qory 60 mln AQSh dollaryna baǵalanǵan «Úlken dýlyǵa» týrnıri 11 qyrkúıekke márege jetedi.
Ótken jyly fınalda serbııalyq Novak Djokovıchti utqan reseılik Danııl Medvedev jeńimpaz atanǵan bolatyn.
Áıelder arasynda AQSh ashyq chempıonatynda jekeleı synda Qazaqstannan Elena Rybakına men ıÝlııa Pýtıntseva synǵa túsedi.
Eske sala keteıik, budan buryn AQSh ashyq chempıonatynda Qazaqstan namysyn qorǵaıtyn tennısshilerdiń kim ekendigin jazǵan bolatynbyz.
Sondaı-aq qazaqstandyq tennısshilerdiń álemdik reıtıngidegi orny belgili boldy.
Qazaqstandyq jas tennısshiler halyqaralyq týrnırlerdiń chempıony atandy.
Foto: olympic.kz
