Aleksandr Býblık AQSh ashyq chempıonatynda taǵy jeńildi
NUR-SULTAN. QazAqparat – Qazaqstannyń birinshi raketkasy Aleksandr Býblık Nıý-Iorkte ótip jatqan AQSh ashyq chempıonatynda (US Open) juptyq synnyń ekinshi aınalymynda óner kórsetti. QazAqparat bul týraly Sports.kz saıtyna silteme jasap habarlaıdy.
Qazaqstandyq tennısshi 1/16 fınalda dat sportshysy Holger Rýnemen birge frantsııalyq dýet Kenten Galı — Adrıan Mannarınoǵa qarsy oınap, jeńilis tapty.
Kezdesý 2 saǵat 14 mınýtqa jalǵasty.
1 qyrkúıek kúni A.Býblık jekeleı synda da jeńilgen bolatyn. Onyń qarsylasy Ispanııa ókili Pablo Karreno-Býsta boldy.
Buǵan deıin Sandýǵash Kenjebaeva men Arýjan Saǵyndyqova AQSh ashyq chempıonaty irikteý saıystarynyń fınalyna shyqqanyn jazǵan bolatynbyz.
Anna Danılına ekinshi aınalymǵa ótti.
Al Qazaqstannyń birinshi, álemniń 25-raketkasy Elena Rybakına dúnıejúzilik reıtıngide 131-orynda turǵan frantsııalyq Klara Bıýrelden jeńilip, atalǵan týrnırdiń ekinshi aınalymyna shyǵa almady.
