Aleksandr Býblık AQSh ashyq chempıonatynyń úshinshi aınalymyna ótti

ASTANA. KAZINFORM — Qazaqstannyń birinshi, álemniń 24-raketkasy Aleksandr Býblık AQSh ashyq chempıonatynda ekinshi jeńisine qol jetkizdi.

Qazaqstandyq tennısshi ekinshi aınalymda álemdik reıtıngide 96-oryndaǵy aýstralııalyq Trıstan Skýlkeıttiń mysyn basty.

Barlyq úsh partııa da 6:3 esebimen aıaqtaldy.

Bir saǵat 45 mınýtqa sozylǵan matchta Býblık 16 eıspen birge 6 breık-poınttyń tórteýin paıdalandy. Skýlkeıt 5 eıs jasaǵanymen, 4 breık-poınttan eshteńe shyǵara alǵan joq.

Aleksandr Býblık úshinshi aınalymda álemniń 14-raketkasy, amerıkalyq Tommı Pol nemese reıtıngide 41-satydaǵy portýgalııalyq Nýný Borjeshtiń bireýimen oınaıdy. 

Erler arasynda jekeleı synda týrnırdiń júlde qory 90 mln AQSh dollaryna baǵalanǵan. Ótken jyly AQSh birinshiliginde ıtalııalyq ıAnnık Sınner úzdik shyqqan edi.

2024 jyly alǵashqy aınalymda-aq súringen A.Býblık qazirgi kezde ATP Live reıtıngisinde 18-orynǵa kóterilip tur.

Áıelder arasynda juptyq synda ıÝlııa Pýtıntseva ulybrıtanııalyq Herrıet Dartpen birge alǵashqy aınalymda jarystyń 5-raketkalary, reseılikter Mırra Andreeeva — Dıana Shnaıderge ese jiberdi — 1:6, 2:6.

Eske sala keteıik, budan buryn AQSh chempıonatynda Elena Rybakınanyń úshinshi aınalymǵa joldama alǵanyn jazǵan edik. 

AQSh chempıonatynda ıÝlııa Pýtıntseva jarysty aıaqtady.