Aleksandr Býblık Adelaıde týrnıriniń jartylaı fınalyna shyqty

Qazaqstannyń birinshi, álemniń 31-raketkasy Aleksandr Býblık Adelaıde (Aýstralııa) ATP 250 týrnıriniń jartylaı fınalyna shyqty, dep habarlaıdy Kazinform.

Qazaqstandyq tennısshi shırek fınalda álemniń 25, osy jarystyń 4-raketkasy, ıtalııalyq Lorentso Mýzettımen sheberlik baıqasty. 

Birinshi partııada Býblık qarsylasynan basym boldy – 6:3. Ekinshi set barysynda ıtalııalyq sportshy alǵa ketkenimen, Aleksandr tarazy basyn teńestire aldy. Biraq taı-breıkte jıirek qatelesti – 6:7 (4:7).

Tartysqa toly úshinshi partııada Aleksandrdyń mereıi ústem boldy. Ol Mýzettıdi 7:5 esebimen qapy qaldyrdy. 

2 saǵat 35 mınýtqa sozylǵan tennıs dodasynda Býblık 17 eıs jasap, 14 breık-poınttyń beseýin qur jibermedi. Al, Mýzettı 3 eıs, 3 breıkpen (8 breık-poınt) kózge tústi.

Otandasymyz fınalǵa shyǵý úshin álemniń 14, dodanyń 1-raketkasy, amerıkalyq Tommı Pol nemese reıtıngide 62-satydaǵy ulybrıtanııalyq Djek Dreıperdiń qaı jeńgenimen kezdesedi. 

Eske sala keteıik, budan buryn Aýstralııa ashyq chempıonatynda Elena Rybakınanyń alǵashqy qarsylasy anyqtalǵanyn jazǵan bolatynbyz. Sondaı-aq Aleksandr Nedovesov Aýstralııadaǵy jarystyń jartylaı fınalyna ótti. Aýstralııa ashyq chempıonatynda Beıbit Juqaev jarys jolynan shyǵyp qaldy.