Aleksandr Býblık 24 eıs jasap, Ýımbldondy jeńispen bastady
Osyǵan deıin Galle (Germanııa) ATP 500 týrnırinde chempıon atanǵan qazaqstandyq tennısshi Ýımbldonda 23-raketka bolyp tirkeldi.
A.Býblık alǵashqy aınalymda dúnıejúzilik reıtıngte 54-orynda turǵan amerıkalyq Makkenzı Makdonaldpen baq synasty.
Birinshi partııada taı-breıkte amerıkalyq sportshy sátti oınady – 7:6 (7:3).
Ekinshisinde esep 4:4 bolǵan mezette Býblık breık jasap, sosyn óz geımin aldy – 6:4.
Úshinshi sette qazaqstandyq tennısshi dop bergen kezde qatelikke boı aldyryp, qarsylasynyń breık jasaýyna jol berip qoıdy – 0:2. Degenmen tarazy basyn teńestire aldy – 4:4. Sodan keıin taǵy bir breıkke qol jetkizip, partııany óz paıdasyna sheshti – 6:4.
Tórtinshi partııada breık jasaǵan qazaqstandyq sportshy 3:1 esebimen alǵa ketti. Aqyry matchty jeńispen túıindedi – 6:4.
Eki saǵat 49 mınýtqa sozylǵan tartysty báseke barysynda A.Býblık 24 eıs jasap, 11 breık-poınttyń tórteýin paıdalandy. M.Makdonald 6 eıs, 1 breıkpen (4 breık-poınt) kózge tústi.
Aleksandr Býblık ekinshi aınalymda taǵy bir amerıkalyq, álemniń 48-raketkasy Djeffrı Djon Volfpen kortqa shyǵady. Ol bastapqy kezdesýinde reıtıngte 158-satydaǵy frantsııalyq Entso Kokony 7:5, 6:3, 7:6 (7:4) esebimen tize búktirdi.
Ótken jyly A.Býblık Ýımbldonda úshinshi aınalymǵa deıin jetken edi.
Erler arasynda Ýımbldon jarysy 3-16 shilde aralyǵynda jetedi. Dodanyń jalpy júlde qory bıyl 44,7 mln fýnt sterlıngke jetti, bul rekord bolyp esepteledi.
Eske sala keteıik, budan buryn Ýımbldon aldynda qazaqstandyq tennısshilerdiń reıtıngtegi orny belgili bolǵanyn jazǵan edik.
Elena Rybakına Ýımbldondaǵy alǵashqy qarsylasy týraly: Ol – myqty oıynshy.
Sondaı-aq Ýımbldonda Aleksandr Býblık Galledegi jeńisti jolyn jalǵastyra ala ma?
Elena Rybakınanyń sýreti beınelengen poshta markasy shyǵaryldy.
