Aleksandr Borodıýk - «Qaırattyń» bas bapkeri
ASTANA. QazAqparat - «Qaırat» FK belgili reseılik mamanmen úsh jyldyq kelisimshartqa qol qoıdy. Bul týraly klýbtyń resmı saıtynda habarlandy.
Bapkerlik jolyn Aleksandr Borodıýk 2001 jyly «Krylıa Sovetov» komandasynan bastady. 2002 jyly ol Reseı quramasynyń bapkerleriniń biri boldy. Al 3 jyldan keıin Reseıdiń jastar quramasynyń bas bapkeri atandy. Degenmen basty quramadaǵy qyzmetin toqtatpady, onda aǵa jattyqtyrýshy bolǵan.
2013 jyly Aleksandr Borodıýk máskeýlik «Torpedonyń» bas bapkeri bolyp, komandany Reseıdiń Premer-lıgasyna alyp shyqty.
Reseı quramasynan Fabıo Kapello ketkennen keıin Aleksandr Borodıýk bul qyzmetke úmitkerlerdiń biri boldy.
«Qaıratta» eńbek sharty boıynsha Aleksandr Borodıýk 3 jyl boıy bas bapker mindetin atqarady.
