Alek Boldýın kıno túsirilip jatqanda abaısyzda operatordy óltirip, rejısserdi jaraqattady

NUR-SULTAN. BBC - QazAqparat – Operator Galına Hatchıns Santa-Fe qalasynyń (Nıý-Meksıko shtaty) mańyndaǵy «Rast» vesterniniń túsiriliminde qaıtys boldy, ony prodıýser jáne taspadaǵy basty róldi somdaýshy - tanymal Gollıvýd akteri Alek Boldýın kezdeısoq atyp óltirgen. Bul týraly QazAqparat VVS-ge silteme jasap habarlaıdy.

Onyń atqanynan fılmniń rejısseri Djoel Soýs ta zardap shekti, onyń jaǵdaıy aýyr, dep habarlaıdy BBC agenttigi.

Fılmniń túsirilimin júrgizetin kompanııanyń ókili The Hollywood Reporter basylymyna bul oqıǵa Boldýın bos oq atqan sahnany túsirý kezinde bolǵanyn aıtty. Qarý túsirilim alańynda rekvızıt retinde paıdalanylǵan.

Jýrnalıst Tessa Mentýs óziniń Twitter-inde túsirilim kezindegi fotosýretterdi jarııalady.

Galına Hatchıns 42 jasta edi, ol «Maks Fıst» («Archenemy») jáne «Dorogýsha» («Darling») sııaqty fılmdermen jumys istedi.

The Hollywood Reporter jazǵandaı, Boldýın áıgili qylmysker Harland Rastanyń «Rast» fılminde oınaıdy. Sıýjetke sáıkes, onyń nemeresi kezdeısoq kisi óltirdi dep aıyptalady. Sodan keıin Rast ony túrmeden bosatý úshin Kanzasqa barady. Vestern áreketi XIX ǵasyrdaǵy ýaqytty qamtıdy.

Beısenbide 63 jastaǵy Boldýın «Bul – óte qıyn jaǵdaı» degen jazbamen Instagram-da óziniń sýretin saldy.