Aldyn ala málimetter boıynsha, elordalyq Turmystyq úıdegi órt elektr symdarynyń qysqa tuıyqtalýynan shyqqan - Tótenshe jaǵdaılar mınıstrligi
ASTANA. Qańtardyń 12-si. QazAqparat /Qanat Qulshymanov/ - Aldyn ala málimetter boıynsha, elordalyq Turmystyq úıdegi órt elektr symdarynyń qysqa tuıyqtalýynan shyqqan.
Bul týraly QazAqparat tilshisine Tótenshe jaǵdaılar mınıstrliginiń baspasóz qyzmetiniń jetekshisi Eldor Raıymbekov habarlady.
«Oqıǵa ornynan alynǵan aıǵaqtar órt-tehnıkalyq saraptamadan ótkizilýde. Kelgen shyǵyn da anyqtalýda», dep habarlady E.Raıymbekov.
Jeksenbi, qańtardyń 10-y kúni saǵat 12.05-te Astana qalasynyń órtke qarsy qyzmetiniń pýltine Turmystyq úıdiń órtenip jatqany týraly habar túsken bolatyn. Órt ǵımarattyń birinshi qabatynan shyqqan. Órt sóndirýshilerdiń birinshi toby oqıǵa ornyna 10 mınýttyń ishinde jetedi. Saǵat 12.57-de sóndirilgen, aýyzdyqtalǵan tilsiz jaý 30 sharshy metrge jaıylyp úlgergen. Qurban bolǵandar men zardap shekkender joq.
Órt úndilik kásipkerler ıelik etetin «Imperatorlyq tiginshi» salonynan shyqqan.
