Aldyn ala málimetter boıynsha Brıýsseldegi teraktiler kezinde japa shekkenderdiń qatarynda qazaqstandyqtar joq - QR SІM
ASTANA. QazAqparat - Aldyn ala málimetter boıynsha Brıýsseldegi teraktiler kezinde japa shekkender men qaza tapqandardyń qatarynda qazaqstandyqtar joq. Bul týraly «QazAqparat» tilshisine QR Syrtqy ister mınıstrliginiń baspasóz qyzmetiniń basshysy Ánýar Jaınaqov málim etti.
«Qazirgi ýaqytta, qolda bar málimetterge sáıkes, Brıýsseldegi teraktiler kezinde japa shekkender men qaza tapqandardyń qatarynda qazaqstandyqtar joq», - dep atap ótti ol.
Eske sala keteıik, Brıýssel áýejaıynda 22 naýryz kúni eki birdeı jarylys boldy. Álemdik BAQ habarlaýynsha, saldarynan 13 adam qaza tapty. Keıin arasyna bir saǵat salyp, qala ortalyǵynda ornalasqan «Maelbek» metro stansasynda vagon ishinde taǵy bir jarylys oryn aldy. Onda keminde 15 adam kóz jumdy.
