Aldyn ala málimetke sáıkes Reseıde apatqa ushyraǵan ushaqta Qazaqstan azamattary joq - QR SІM
ASTANA. QazAqparat - Reseıde apatqa ushyraǵan ushaqta Qazaqstan azamattary joq. Bul týraly QazAqparat tilshisine telefon arqyly QR Syrtqy ister mınıstrligi baspasóz qyzmetiniń jetekshisi Anýar Jaınaqov málim etti.
«Aldyn ala aqparatqa sáıkes apatqa ushyraǵan ushaqta qazaqstandyqtar bolǵan joq. Birqatar BAQ-ta ekıpaj músheleri arasynda Qazaqstannyń azamaty nemese týmasy bolǵandyǵy jaıynda aqparat tarady. Bul málimet qazirgi ýaqytta tekserilýde», - dedi A.Jaınaqov.
Sonymen qatar ol naqty málimetter alynǵannan keıin qosymsha aqparat beriletindigin atap ótti.
Aıta keteıik, Dýbaıdan ushyp kele jatqan Boeing 738 jolaýshylar ushaǵy Dondaǵy Rostov qalasy áýejaıynyń ushý-qoný jolaǵynyń sol jaǵynda qulady. Aldyn ala málimetter boıynsha, qaıǵyly oqıǵa jergilikti ýaqyt boıynsha saǵat 3:40-ta oryn alǵan. Áýe kemesiniń bortynda 61 adam boldy (55 jolaýshy men ekıpajdyń 6 múshesi). Jolaýshylardyń arasynda tórt bala bar.
