Aldyn ala málimet boıynsha,Túrkııadaǵy oqıǵadan zardap shekkender arasynda qazaqstandyqtar joq – QR SІM
ASTANA. QazAqparat - QR Syrtqy ister mınıstrliginiń aldyn ala málimeti boıynsha, Túrkııadaǵy qaqtyǵystan zardap shekkender men qaza tapqandar arasynda Qazaqstan azamattary joq.
Málimetter tekserilip jatyr. Bul týraly QR SІM Tvıtterdegi paraqshasynda habarlady.
Aıta keteıik, Túrkııa bıligi juma kúni keshke elde áskerı tóńkeris jasaý áreketi bolǵandyǵyn habarlaǵan bolatyn. El prezıdenti Erdoǵan buny shaǵyn búlikshil top uıymdastyryp otyrǵanyn aıtyp, halyqty búlikshilerge qarsylyq kórsetýge shaqyrdy. Sońǵy málimetter boıynsha oqıǵa saldarynan kem degende 60 adam qaza tapqan.
Túrkııadaǵy QR Elshiliginiń málimetinshe, kýrortty qalalardaǵy jaǵdaı turaqty, áıtse de demalýshy qazaqstandyqtarǵa qonaqúıden shyqpaýǵa keńes berildi.
QR Syrtqy ister mınıstrligi habarlaǵandaı, Túrkııadaǵy qazaqstandyqtar úshin jedel jeli telefondary jumys jasaýda.
Qosymsha suraqtar týyndaǵan jaǵdaılarda Qazaqstannyń Túrkııadaǵy dıplomatııalyq jáne konsýldyq mekemelerinde ashylǵan «jedel telefon jelisine» habarlasýǵa bolady:
- QR Elshiligi (Ankara q.): +90-533-600-6092,
- QR Bas konsýldyǵy (Ystanbul q.): +90-542-471-2211,
- QR Konsýldyǵy (Antalıa q.): +90-535-418-3532.
