Aldyn ala irikteýden ótken Memlekettik syılyqqa usynylǵan jumystardyń tizimi bekitildi
Otyrysta Memlekettik hatshy Prezıdent Nursultan Nazarbaevtyń «Qazaqstannyń Úshinshi jańǵyrýy: jaHandyq básekege qabilettilik» atty Qazaqstan halqyna Joldaýyna sáıkes ınnovatsııalyq qyzmettiń nátıjeleri óndiriske engizilýi tıis ekenin jáne bul ál-Farabı atyndaǵy ǵylym men tehnıka salasyndaǵy Memlekettik syılyqty alýǵa talpynýdyń sharttarynyń biri bolyp tabylatynyn atap ótti.
Memleket basshysy «Bolashaqqa baǵdar: rýhanı jańǵyrý» atty baǵdarlamalyq maqalasynda atap kórsetkendeı, bizge ashyqtyq jáne eń ozyq jetistikterdi qabyldaı bilýimiz asa qajet.
Qazaqstan Respýblıkasynyń ál-Farabı atyndaǵy ǵylym men tehnıka salasyndaǵy memlekettik syılyǵy ǵylym men tehnıka qaıratkerleriniń qoǵam men memleket aldyndaǵy eńbegin joǵary taný bolyp tabylady.
Qazaqstan Respýblıkasynyń ál-Farabı atyndaǵy ǵylym men tehnıka salasyndaǵy 2017 jylǵy Memlekettik syılyǵyn alý úshin barlyǵy 24 jumys kelip tústi. Otyrysta sektsııa usynymdary men memlekettik ǵylymı-tehnıkalyq saraptama qorytyndylary qaraldy.
Otyrys qorytyndysy boıynsha Komıssııa Qazaqstan Respýblıkasynyń ál-Farabı atyndaǵy ǵylym men tehnıka salasyndaǵy Memlekettik syılyǵyn alýǵa usynylǵan jumystardyń aldyn ala irikteýden ótken tizbesin bekitti. Bul jumystardyń tizimi qoǵamnyń keń túrde talqylaýy úshin respýblıkalyq baspasóz betterinde jarııalanady.
Sektsııa jetekshilerine ekinshi kezeńde Komıssııa otyrysynda aıtylǵan usynystardy, buqaralyq aqparat quraldarynda berilgen talqylaýlardy eskere otyryp, aldyn ala irikteýden ótken jumystardy odan ári qaraý tapsyryldy.
Ál-Farabı atyndaǵy ǵylym men tehnıka salasyndaǵy 2017 jylǵy Memlekettik syılyqtyń aqshalaı kólemi 18,6 mln.teńgeni quraıdy.
