Aldyn ala derekter boıynsha Senat depýtattaryn saılaýda «Nur Otan» HDP músheleri jeńiske jetti
TANA. 19 tamyz. QazAqparat /Qanat Mámetqazyuly/ - Aldyn ala derekter boıynsha Senat depýtattaryn saılaýda «Nur Otan» HDP músheleri jeńiske jetti. Bul týraly «Nur Otan» HDP baspasóz qyzmetinen habarlandy.
Esterińizge sala keteıik, búgin elimizde Parlament Senatynyń depýtattaryn saılaý ótip, oǵan 14 oblystan jáne Astana men Almaty qalalarynan 16 depýtat saılanǵan bolatyn. Baspasóz qyzmetiniń habarlaýynsha, Parlamenttiń joǵary palatasynyń depýtattary bolyp saılanǵan barlyq 16 depýtat «Nur Otan» partııasynyń múshesi bolyp tabylady. Osyǵan oraı partııa Tóraǵasynyń Birinshi orynbasary Nurlan Nyǵmatýlın saılaý qorytyndylaryna qatysty túisinikteme bergen bolatyn. «Parlament Senatynyń saılaýynda «Nur Otan» partııasy, bılik partııasy retinde óz kandıdattaryn barlyq aımaqtarda usynǵan bolatyn. Ortalyq saılaý komıssııasynyń málimetteri boıynsha, bizdiń barlyq kandıdattarymyz úlken jeńiske jetti. Bul - eń aldymen, Elbasymyz, «Nur Otan» partııasynyń Tóraǵasy Nursultan Ábishuly Nazarbaevtyń strategııalyq baǵytyn Qazaqstan halqynyń tolyq qoldaýynyń taǵy bir naqty dáleli», - dedi ol.
Ortalyq saılaý komıssııasy saılaýdyń aldyn ala qorytyndylaryn búgin saǵat 17-00-de jarııalaıtyn bolady.
