Aldyn ala derek boıynsha, sáýirde Qazaqstanda ınflıatsııa deńgeıi 0,7 paıyzdy qurady - Á. Smaıylov
áýirdiń 30-y. QazAqparat. /Ernur Aqanbaı / - Aldyn ala derekter boıynsha, Qazaqstanda sáýir aıynda ınflıatsııa deńgeıi 0,7 paıyzdy qurady.
Sóıtip, ótken jyldyń jeltoqsan aıyna qaraǵanda 3,6 paıyzǵa ósip otyr. Bul týraly búgin Astanada www. bnews.kz portalyndaǵy bolǵan On-laın konferentsııadan keıin jýrnalısterge QR Statıstıka agenttiginiń tóraǵasy Álıhan Smaıylov aıtty, dep habarlaıdy QazAqparat.
Agenttik tóraǵasy sáýir aıyndaǵy ınflıatsııa deńgeıi týraly tolyq aqparat erteń jarııalanatynyn jetkizdi. Onyń aıtýynsha, sáýir aıyndaǵy ónerkásip óndirisiniń kólemi týraly aqparat mamyr aıynyń 9-10 kúnderi habarlanatyn bolady.
Aıta keteıik, Úkimet 2010 jyldyń qorytyndysy boıynsha Qazaqstandaǵy jyldyq ınflıatsııanyń deńgeıi 6-8 paıyz aralyǵynda bolady dep boljap otyr.
