Aldyn ala boljam boıynsha Mekkede keptelis saldarynan qaza tapqandar qatarynda qazaqstandyqtar joq - QR SІM
ASTANA. QazAqparat - Aldyn ala boljam boıynsha Saýd Arabııasynyń Mına jazyǵynda (Mekkege taıaý jerde) keptelis saldarynan qaza tapqandar qatarynda qazaqstandyqtar joq. Bul týraly «QazAqparat» HAA tilshisine QR SІM baspasóz qyzmetiniń basshysy Anýar Jaınaqov habarlady.
QR SІM málimeti boıynsha qazirgi sátte Mekkede 4000-daı qazaqstandyq qajylyq paryzyn ótep jatyr.
Eske sala keteıik, búgin Saýd Arabııasynyń Mına jazyǵynda keptelis saldarynan qajylyqqa barǵan 220-dan astam adam qaza taýyp, 450-den astam adam zardap shekti.
Mına jazyǵynda qaza tapqandar men jaraqattanǵandar qaı ult ókilderi ekendigi týraly aqparat kelip túsken joq.
Tańerteń musylmandar úshin kıeli qala - Mekkeden birneshe shaqyrym jerde ornalasqan Mına jazyǵynda musylmandardyń Id ál-Adha - Qurban aıt merekesiniń qurmetine oqylǵan namazǵa kóptegen elderden kelgen júzdegen myń qajy jınalǵan edi.
