Aldyn ala boljam boıynsha, Qyrǵyzstanda bolǵan joıqyn zilzaladan qaza tapqandar joq
BІShKEK. 21 shilde. QazAqparat /Arnur Rahymbekov/ - Qyrǵyzstannyń birinshi vıtse-premer-mınıstri Ómirbek Babanov eldiń tótenshe jaǵdaılar mınıstri Bolotbek Bórbıevke jaǵdaıdy óz kózimen kórip,
tabıǵı apattan zardap shekkenderge qajetti barlyq kómek kórsetý úshin jer silkinisi bolǵan Batken aýdanyna barýdy tapsyrdy.
Qyrǵyz Respýblıkasy seısmologııa ınstıýtynyń málimetinshe, 2011 jyldyń 20 shildesi kúni túngi saǵat 01.35-te Batken oblysynyń aýmaǵynda 7-8 balldyq jer silkinisi bolǵan.
Jer dúmpýiniń kúshi Sovetskıı kentinde 7-8 ball, Batken qalasynda 6 ball, Qyzyl-Qııa, Nooqat qalalarynda 5,5 ball, Osh qalasynda 5 ball, Tash-Qumyr qalasynda 3-4 ball, Bishkek qalasynda 2-3 ball bolǵan.
Aldyn ala aqparat boıynsha, halyq arasynda qaza tapqandar joq. Qazirgi tańda Batken oblysy, Qadamjaı aýdanynyń azamattyq qorǵanys jónindegi komıssııalary TJM jedel toptarymen birge jer silkinisinen qulǵan ǵımırattardyń qıraý deńgeıin anyqtaýda.
