Aldyn ala boljam boıynsha Astanadaǵy avtokóliktiń janýyna jáne eki er adamnyń ólimine jarylǵysh zat sebep bolýy múmkin - QR ІІM
ASTANA. 24 mamyr. QazAqparat - 2011 jyldyń 24 mamyry kúni túngi saǵat 03.37-de Astana qalasy ІІD Jedel basqarý ortalyǵyna Shyńtas qıylysyndaǵy №6 úıdiń janyndaǵy («QTJ» AQ Astana stansasy belgi berý jáne baılanys dıstantsııasy) alańqaı jerde jarylys bolǵandyǵy týraly aqparat kelip tústi.
Bul týraly QR ІІM basasóz qyzmeti habarlady.
Tergeý-jedel toby oqıǵa ornynan S 103 TEM memlekettik nómiri bar, 1991 jyly shyǵarylǵan, qyzyl tústi «Aýdı-100» markaly atokólikti, túr sıpaty eýropalyq belgisiz eki er adamnyń denesin, Qyrǵyzstan Respýblıkasynyń týmasy, Pavlodar oblysyna qarasty Ekibastuz qalasynda turatyn 20.12.1962 jyly týylǵan Dmıtrıı ıÝrevıch Kelplerdiń atyna berilgen júrgizýshi kýáligi men ań aýlaý bıletin, Ekibastuz qalasynda turatyn, qylmystyq jolmen alynǵan múlikti satqany úshin, eki ret alaıaqtyq jasap, urlyq jasaǵany úshin isti bolǵan 08.02.1985 jyly týylǵan Ivan Aleksandrovıch Cheremýhınnyń atyna berilgen QR azamatynyń tólqujatyn jáne synyq kúıindegi «Sonı-Erıkson» markaly uıaly telefonyn tapty.
Oqıǵa ornyn qaraý barysy kórsetkendeı, jarylys «QTJ» AQ óniristik nysandary men turǵyn úılerdiń jaqyn mańyndaǵy alańqaı jerde turǵan avtokólik ishinde bolǵan. Jarylys saldarynan «QTJ» AQ avtokólikteri zardap shekken joq, jarylys tolqyny jaqyn jerdegi ǵımarattardyń terezelerine aqaý keltirgen.
Aldyn ala boljam boıynsha tulǵalary anyqtalmaǵan eki adamnyń ólimine jarylǵysh zattyń ózdiginen jarylyp ketýi sebep bolýy múmkin. Kórsetilgen jaǵdaılar lańkestik akt belgileriniń joq ekenin dáleldeıdi.
Jarylys faktisi boıynsha qajetti tergeý amaldary júrip jatyr, jarylys-tehnıkalyq saraptamasy taǵaıyndaldy.
