Aldymyzda salmaqty ári jaýapty is tur - Darıǵa Nazarbaeva
NUR-SULTAN. QazAqparat – Parlament barlyq deńgeıdegi bılik organdarynyń tótenshe jaǵdaıdaǵy áreketterine egjeı-tegjeıli taldaý júrgizýi kerek. Bul týraly Parlament Senatynyń tóraǵasy Darıǵa Nazarbaeva málim etti, dep habarlaıdy QazAqparat tilshisi.
«Parlament barlyq deńgeıdegi bılik organdarynyń tótenshe jaǵdaıdaǵy áreketterine egjeı-tegjeıli taldaý júrgizip, júıeli qorytyndy shyǵarý kerek dep sanaımyn. Bul ár adamnyń múddesi úshin mańyzdy. Munyń barlyǵy týraly Prezıdent Toqaevtyń Málimdemesinde naqty aıtylǵan», - dedi D. Nazarbaeva Senattyń jalpy otyrysynda.
«Elimizdi «ekonomıka men memlekettik basqarý júıesin aýqymdy, tereń transformatsııalaýdy júzege asyrý» kútip tur. Týrasyn aıtqanda, kólemi men qıyndyǵy jaǵynan bul tótenshe mindet bolyp tabylady. Ol Úkimettiń, Parlamenttiń, jergilikti bılik organdary men azamattyq qoǵamnyń birlesken jumysyna erekshe talaptar qoıady. Aldymyzda salmaqty ári jaýapty is tur», - dedi Senat tóraǵasy.
