Aldymyzda azamattarymyzdyń ál-aýqatynyń sapaly jáne ınklıýzıvti ósýin arttyrý mindeti tur – Álıhan Smaıylov
«Memleket basshysy atap ótkendeı, memleket pen qoǵamnyń barlyq negizgi salalaryn qaıta jańǵyrtý kerek. Mazmuny jaǵynan Prezıdenttiń halyqqa Joldaýy Jańa, Ádiletti Qazaqstan qurý jolyndaǵy eń mańyzdy qadam bolyp tabylady. Qazirgi jaǵdaıda bárimiz naqty jáne úılesimdi áreket etýimiz qajet. Aldymyzda ekonomıkanyń turaqtylyǵy men básekege qabilettiligin, azamattarymyzdyń ál-aýqatynyń sapaly jáne ınklıýzıvti ósýin arttyrý, bárine birdeı múmkindikter berý, qoǵamdyq qaýipsizdik pen ishki turaqtylyqty saqtaý mindetteri tur», - dedi ol.
Osy rette Álıhan Smaıylov Memleket basshysy Joldaýynda elimizdiń áleýmettik-ekonomıkalyq damýynyń birqatar negizgi baǵyttaryn jarııalaǵanyn atap ótti.
«Ulttyq ekonomıka mınıstrligine múddeli memlekettik organdarmen birlesip, osy tásilderdi orta merzimdi kezeńge arnalǵan Ekonomıkalyq saıasat jobasynda qarastyrýdy jáne bir apta merzimde Úkimetke tıisti Jarlyq jobasyn engizýdi tapsyramyn», - dedi Úkimet basshysy.
Foto: primeminister.kz
