Aldııar Baırakımovtyń fılmi «Kınoshok» kınofestıvaline qatysýda
ASTANA. QazAqparat - Sh.Aımanov atyndaǵy «Qazaqfılm» AQ túsirgen «Na granı» fılmi 2-9 qyrkúıek aralyǵynda Reseıdiń Anapa qalasynda ótip jatqan XXVII «Kınoshok» ashyq kınofestıvaliniń baıqaýyna qatysýda, dep habarlaıdy QazAqparat otandyq kınostýdııanyń baspasóz qyzmetine silteme jasap.
Atalǵan kınotýyndy bir-birine múldem uqsamaıtyn, alaıda taǵdyrlary kezdeısoq toǵystyrǵan jasóspirimder týraly baıandaıdy.
«Osyndaı mádenı is-sharalar shyǵarmashylyǵyńdy arttyrýǵa, jalpy elimizdegi kıno óndirisin damytýǵa septigin tıgizedi. «Kınoshok» syndy halyqaralyq deńgeıdegi festıvalder barysynda túrli elden jınalatyn kınogerler bir-birimen tanysýǵa, óz jumystaryn kórsetýge, tájirıbıe almasýǵa, sondaı-aq birlesip jumys jasaýǵa keń múmkindik alady. Osyndaı baıqaýlardyń arqasynda jańa esimder de paıda bolady. Eń bastysy, festıval qatysýshylary túrli elden kelse de, bir-birin ońaı túsinedi. Óıtken olardyń tili ortaq, ol - kıno tili», - dedi jas rejısser Aldııar Baırakımov.
«Kınoshok» festıvaliniń uıymdastyrýshylary «bul kartına irikteý komıssııasynyń sheshimi boıynsha Qazaqstan kıno óndirisin tanystyra alatyn úzdik fılmderdiń biri», - dep oı bólisti.
Aıta keterligi, 1992 jyly ashylyp, burynǵy odaqtas respýblıkalardyń kınogerlerin basyn qosyp, mádenı baılanystardyń nyǵaıýyna baǵyttalǵan «Kınoshok» ashyq kınofestıvali 20 jyl kóleminde kórermenderdi Lıtva, Latvııa, Estonııa jáne TMD elderiniń kınolarymen tanystyryp keledi. Baıqaý barysynda 70-ke jýyq fılm kórsetiledi.
