Aldymyzda budan da aýqymdy birlesken jumys kútip tur — Álıhan Smaıylov Shell kompanııasymen yntymaqtastyq týraly
QR Premer-Mınıstri Álıhan Smaıylov pen Shell kompanııasynyń barlaý jáne óndirý jónindegi dırektory Zoı ıÝnovıch munaı-gaz salasyndaǵy yntymaqtastyqtyń ózekti máselelerin talqylady, dep habarlaıdy QazAqparat.
Kezdesý barysynda Qashaǵan jáne Qarashyǵanaq ken oryndaryn aǵymdaǵy ıgerý, jańa gaz óńdeý zaýyttaryn salý, QR ekologııalyq zańnamasynyń normalaryn saqtaý jáne basqa da birqatar máseleler talqylandy.
Premer-Mınıstr óz sózinde Úkimet kompanııanyń elimizdegi munaı-gaz salasyn damytýǵa qosqan úlesin joǵary baǵalaıtynyn jáne uzaqmerzimdi yntymaqtastyqty nyǵaıtýǵa beıildi ekenin atap ótti.
«Shell – munaı-gaz sektoryndaǵy bizdiń strategııalyq seriktesimiz. Atqarylǵan ister az emes, aldymyzda budan da aýqymdy birlesken jumys kútip tur», — dedi Álıhan Smaıylov.
Sonymen qatar ol óndiris oryndaryn qaýipsiz paıdalaný jáne Qazaqstan Respýblıkasynyń ekologııalyq talaptaryn saqtaý kompanııa jumysyndaǵy basty basymdyq bolýǵa tıis ekenin atap ótti.
Óz kezeginde Zoı ıÝnovıch Shell kompanııasynyń Qazaqstanmen ózara tıimdi yntymaqtastyqqa basa nazar aýdaratynyn rastady.
«Biz Qazaqstan Respýblıkasynyń senimdi seriktesi bolyp qalǵymyz keledi. Bizdiń yntymaqtastyǵymyz buǵan deıin de jemisti ári tabysty boldy. Bolashaqta ózara baılanystardy odan ári nyǵaıta túsý úshin bar kúshimizdi salamyz. Biz qysqa merzimde Qazaqstanǵa ınvestıtsııa kólemin ulǵaıtýǵa jáne munaıdyń ǵana emes, gazdyń da jańa múmkindikterin zertteýge daıynbyz», — dedi ol.
Kezdesý qorytyndysyna sáıkes taraptar ózara is-qımyldyń barlyq ózekti máseleleri boıynsha syndarly dıalogty jalǵastyrýǵa daıyn ekendikterin atap ótti.
