Aldaýǵa arbalǵan oqýshy 583 myń teńgeden qaǵyldy
QARAǴANDY OBLYSY. Qyrkúıektiń 10-y. QazAqparat - Jezqazǵan qalasynyń ІІB kezekshi bólimine alaıaqtyń arbaýyna túsken oqýshynyń anasy kelip aryzdanady. Quqyq qorǵaýshylardyń jiti qımylynyń arqasynda alaıaq kóp keshikpeı quryqqa ilindi. Belgili bolǵandaı, ákki alaıaq 11-inshi synyp oqýshysyna 583 000 teńge shyǵyn keltirgen, dep habarlaıdy Jezqazǵan qalalyq ІІB baspasóz qyzmeti.
Sońǵy ýaqytta oblysta kámeletke tolmaǵandardy aldap-arbaý faktileri jıi kezdesip otyr. Osyndaı fakti Jezqazǵan qalasyndaǵy Alashahan kóshesiniń boıynda tapa-tal túste oryn aldy. Tańerteńgi saǵat 11 shamasynda dúkenge shyqqan 17 jastaǵy qyz balany toqtatqan beıtanys áıel oǵan: «Qyzym, saǵan til-kóz tıgen eken. Otbasyńa da qara bult tónip, qarǵys atty pále jabysqan», - deıdi. Mundaı sózderdi oqystan estigen oqýshy ne isterin bilmeı shoshyp qalady da, áıeldiń sózine senip, onymen áńgimelese ketedi. Alaıaq óziniń jospary júzege asa bastaǵanyn sezip, oqýshy qyzǵa qarǵys pen til-kózdi sheship berýdi usynady. Sóıtip ol onyń úıinen jumyrtqa men ıne alyp shyǵýyn suraıdy. Arbaýǵa basy aınalyp qalǵan ańqaý qyz, úıine júgirip baryp alaıaqtyń suraǵan zattaryn alyp shyǵady. Birdeńeni ishteı kúbirlep, 10-15 mınýt qýlyǵyn asyrǵan alaıaq, barlyq qarǵys pen pále-jalany qaraıyp ketken ıne boıyna jıyp aldy dep sendiredi. Sóıtip ol aldanǵan oqýshyǵa pále-jala men qarǵysty onyń otbasynan alshaqtatqany úshin aqy suraıdy. Basy aınalyp qalǵan qyz bala sol sátte alaıaqtyń qolyna úıinen 35 000 teńge aqsha, «Nokıa» uıaly telefonyn jáne zergerlik altyn buıymdaryn alyp shyǵyp, ustata salady.
«Jedel izdestirý» sharalaryn ótkizgen polıtsııa qyzmetkerleri kóp keshikpeı sol kúni keshke «Jezqazǵan-Qaraǵandy» jolaýshylar avtobýsyna minip ketip, izin jasyrmaqshy bolǵan 35 jastaǵy Ózbekstan Respýblıkasynyń azamatshasyn qolǵa túsirdi. Alaıaqtyń sómkesinen 34 000 teńge aqsha, «Nokıa» uıaly telefony jáne altyn zergerlik buıymdar tabyldy. Ony jábirlenýshi tanyp, alaıaq barlyq is-áreketin moıyndady. Qazirgi tańda kúdikti ýaqytsha ustaý abaqtysyna qamaýǵa alyndy. Tergeý amaldary jalǵasýda.
