"Aldar kóseniń bastan keshken qyzyqty hıkaıalary" dep atalatyn jańa kórkem fılm kórermenge jol tartty
MATY. 10 qarasha. QazAqparat /Erlik Erjanuly/ - Búgin qazaqstandyq kınoteatrlarda qazaq jáne orys tilderinde "Aldar kóseniń bastan keshken qyzyqty hıkaıalary" dep atalatyn tolyq metrajdy jańa kórkem fılm kórsetile bastaıdy.
Ony fılm rejısseri Begaıdar Shaldarbekov keshe Almatyda ótken tanystyrylymda aıtty.
"Bul týyndyny Sháken Aımanov ómirge ákelgen áıgili "Aldar kóse" fılmimen salystyrýǵa bolmaıdy. Biz áıgili keıipkerdi jańa zamanǵa ákelip otyrmyz. Qazirgi kezeńdegi Aldar kóseniń oqıǵasy ár muńdy, ári kúlkili. Biz onyń bastan ótkizgen oqıǵalary arqyly qoǵamdaǵy keıbir keleńsizdiktermen qalaı kúresýge bolatynyn kórsetýge tyrystyq", - deıdi B. Shaldarbekov. Basty keıpikerkerlerdi Baqytjan Álpeıisov, Áset Omartegi, Gúlnar Baıbosynova jáne taǵy basqa da akterlar somdaǵan bul kınoda túsirýshilerdiń búkil otbasy músheleri birigip kóre alatyn fılm jasaý týraly maqsatyna tolyq qol jetkizgen. Aldaǵy ýaqytta ol endi mádenı qaýymdastyqtardyń qoldaýymen Reseı, Ýkraına, Qytaı, AQSh sııaqty shet elderdegi qazaqtarǵa kórsetilgeli otyr.
