Aldanǵan klıent satýshyǵa 17 myń SMS jiberip, kek aldy
ASTANA. QazAqparat - Internet-dúken arqyly PS3 qurylǵysyn satyp alǵan 24 jastaǵy brıtanııalyq Ed Djozef aldanǵanyn bilgende ashýdan ózin qoıarǵa jer tappaǵan.
Ol konsol úshin 80 fýnt sterlıng tólegen, alaıda taýardy oǵan jetkizbegen. Ósh alý maqsatynda Djozef satýshyǵa Ýılıam Shekspırdiń shyǵarmalaryn sms arqyly jibere bastaǵan.
Brıtanııalyq SMS-tiń sansyz mólsherin tegin jiberýge múmkindik beretin tarıfti qoldanǵan.
Qazirgi ýaqytta alaıaqqa ol 17424 sms joldap úlgergen. Osyndaı tásilmen kek qaıtarmaq bolǵan brıtanııalyq ókinishke qaraı, áli qurylǵysyn ala almaı otyr.
