Aldaǵy jyly «Jaıyq qalashyǵy» aspan astyndaǵy mýzeıin ashý kózdelýde
Oral qalasynan on eki shaqyrym qashyqtyqta ornalasqan «Jaıyq qalashyǵy» - Qazaqstannyń 100 kıeli oryndarynyń qataryna oblystan engen alty nysannyń biri. Altyn orda dáýirindegi, HІІІ-HІV ǵasyrlarǵa jatatyndyǵy dáleldengen qalanyń ornynda endi metsenattardyń demeýshiligimen aspan astyndaǵy mýzeı ornamaq. Munda mýzeımen qatar pavılondar salynady. 2018 jyly júzege asyrylýy kózdelip otyrǵan ekinshi iri joba - «Atameken» etnomemorıaldyq kesheni. Shaǵan ózeniniń oń jaǵalaýynda 2 gektardaı jerde Qazaqstannyń kartasy, 14 oblys pen Astana, Almaty qalalaryndaǵy kıeli oryndar shaǵyn sáýlettik músinder arqyly kórinis tappaq. Úshinshi joba - múgedek balalar úshin kúndiz bolýǵa arnalǵan áleýmettik úı.
Jobalardyń jalpy quny 1,6 mlrd teńgeni quraıdy.
Elbasynyń «Rýhanı jańǵyrý» baǵdarlamasy aıasynda bıyl da biraz jumystar atqaryldy. Mysaly, Oralda kásipker Aleksandr Aıtov 178 mln teńgege dene shynyqtyrý-sport keshenin iske qosty. Munda kún saıyn 100-120 adam keledi, olardyń arasynda balalar, jas sportshylar men múmkindigi shekteýli jandar bar. Qaztalov aýdanynda kásipker Nurlybaı Joldybaev 10 mln jýyq teńgege týǵan jeri Saryqudyq aýylynda feldsherlik-akýsherlik pýnktti salyp, barlyq kerekti jabdyqtaryn alyp berdi.
Kelesi aptada Táýelsizdik kúnine oraı kásipker Muratbek Muhambedıevtiń qoldaýymen Oralda «Rýhanı jańǵyrý» mýzeıi ashylmaq. Kásipker tarıhı ǵımaratty 20 mln teńgege kúrdeli jóndeýden ótkizip berdi. Mundaı mysaldar az emes.
Tutastaı alǵanda, bıyl «Rýhanı jańǵyrý» baǵdarlamasy aıasynda oblysta ár salada jalpy quny 2,5 mlrd teńgege 62 joba júzege asyryldy.
Forým barysynda óńirdiń damýyna óziniń súbeli úlesin qosyp, qaıyrymdylyq isterimen kózge túsip júrgen metsenattar marapattaldy. Olardyń arasynda «Kondensat» AQ dırektorlar keńesiniń tóraǵasy Valerıı Júnisov, «QazTransGaz» AQ dırektorlar keńesiniń múshesi, Almatyda turatyn Qundyz Nupov, «ıÝnıserv» JShS bas dırektory, oblystyq máslıhat depýtaty Nurǵazy Sátbaev, «Jaıyq et» JShS dırektory Temirǵalı Eskendirov jáne basqalar bar. Al «Batys Qazaqstan oblysynyń qurmetti azamaty» atanǵan ataqty alpınıst, álemdegi barlyq 14 segiz myń metrlik shyńdy baǵyndyrǵan Maqsot Jumaevqa tósbelgisi men kýálik tabys etildi.
Jıynda QR Parlamenti Senaty áleýmettik-mádenı damý jáne ǵylym jónindegi komıtetiniń tóraıymy, Batys Qazaqstannan túlep ushqan Birǵanym Áıtimova Elbasynyń bastaýymen Qazaqstannyń álem tanyǵan memleketke aınalǵandyǵyn, sonyń ishinde Eýropa men Azııany jalǵastyryp jatqan Aq Jaıyqtyń orny erekshe ekendigin, keıingi jas urpaq ta týǵan jer men elge degen boryshyn umytpaı, jaqsylyq jasaýdan jalyqpaý qajettigin jetkizdi.
