Aldaǵy jyly Mekke men Medına arasyn baılanystyratyn jyldam poıyz iske qosylmaq
ASTANA. 12 qyrkúıek. QazAqparat - «Qasıetti oryndar Mekke men Medına arasyn baılanystyratyn jeliniń qurylys jumystary 2014 jyldyń sońyna taman tolyqtaı aıaqtalyp bitedi. Jańadan salynyp jatqan temirjol eki qala arasyndaǵy keptelisti 80%-ǵa deıin qysqartady», - dep Mekkeniń kólik departamentiniń ókili Muhammed Madanı málimdedi.
2014 jyldan bastap Mekkeden Medınaǵa deıin endi 2,5 saǵatta jetýge bolady. Jalpy, Mekke men Medınanyń arasy 450 shaqyrym joldy quraıdy.
Muftyat.kz saıtynyń jazýynsha, bul joba tolyqtaı júzege asqannan keıin Djıdda qalasynan Mekkege deıin 25 mınýtta jetýge bolady. Kórkemdelip ıslamı sáýlet ónerinde salynǵan jańa stantsııalar: dúkender men meıramhanalardy, meshitter men kólik turaqtaryn, VIP zaldar men tikushaq qonatyn alańdy qamtıdy. Sonymen qatar, joba boıynsha salynyp jatqan temirjol jelisi qaýipsizdikti qamtamasyz etip, halyqtyń yńǵaıyna barlyq jaǵdaılar jasalýda. Úkimet temirjol jelisimen jańa poıyzdar arqyly jylyna 3 mıllıon adam tasymaldanady dep josparlap otyr.
