Aldaǵy jyly qarajat jetispeý máselesi bolmaıdy – vıtse-mınıstr ArtSport baǵdarlamasy týraly

ASTANA. QazAqparat – Úkimet tarapynan «ArtSport» baǵdarlamasyna arnaıy qarjy bólindi. Ortalyq kommýnıkatsııalar qyzmetinde ótken brıfıngte BAQ ókilderiniń saýalyna jaýap bergen Mádenıet jáne sport vıtse-mınıstri Nurǵısa Dáýeshov osylaı málim etti, dep habarlaıdy QazAqparat tilshisi.

«Bul - Prezıdentimizdiń tapsyrmasyna sáıkes, tuńǵysh uıymdastyrylǵan joba. Neigizi mınıstrlik osy «ArtSport» baǵdarlamasynyń erejeleri men tártipterin pysyqtaýda kóp suraq týyndady. Osylardy jóndeý maqsatynda naqty jumystar atqarylyp, jańa normalar engizildi.

Qarjylandyrý máselesine keletin bolsaq, bul ár óńirdiń jeke josparyna sáıkes júzege asady. Degenmen, bıyl qarjy jetispeý máselelerine baılanysty Úkimet tarapynan «ArtSport» baǵdarlamasyna arnaıy qarjy bólinip otyr. Bolashaqta ár óńir bıýdjettik josparlaý kezinde naqty esepterin jobalaıdy degen senimdemiz. Qazirgi tańda voýcherler nemese basqa da jumys istep jatqan mamandarǵa qatysty tolyq qarjylyq máseleler sheshildi. Aldaǵy jyly mundaı problemalar bolmaıdy degen oıdamyz», - dep jaýap berdi Nurǵısa Dáýeshov.

Ol, sondaı-aq «ArtSport» baǵadarlamasyna qatysatyn ortalyqtarǵa qoılatyn talaptyń kúsheıtilgenin atap ótti. Bul sharalar birinshi kezekte balalardyń qaýipsizdigine qatysty. ıAǵnı, búldirshinder qatysatyn úıirmeler uıymdastyrylatyn orynnyń ınfroqurylymy jetilgen ári qaýipsiz bolýy tıis.