Aldaǵy jyly Astanada 3 jerasty ótkeli salynady
ASTANA. 30 jeltoqsan. QazAqparat - Astanada 2014 jyly 3 jerasty ótkeli salynbaq.
Atalǵan jerasty ótkelderi Respýblıka dańǵylynda, B.Momyshuly dańǵylynda (Oqýshylar saraıynyń janynda) jáne Syǵanaq kóshesiniń boıynda ornalasady.
«Qala boıynsha 25 jerasty ótkelin salý qajet, bıyl Han Shatyrdaǵy joba iske asty, qozǵalysty jappaı-aq 5 jerasty ótkeliniń qurylysy qolǵa alynbaq. Ózderińiz biletindeı, bizdiń kósheler óte tar, ınjenerlik jeliler kóp, sondyqtan qazirgi ýaqytta qozǵalysty jabýdyń jańa tehnologııalary ázirlenýde. Keler jyly qarjylandyrý bolsa, taǵy da 3 jerasty ótkeli paıda bolady», - dedi astana.kz saıtyna bergen suhbatynda Jolaýshylar kóligi jáne avtomobıl joldary basqarmasynyń basshysy Rashıd Amanjolov. Eske salaıyq, qazirgi ýaqytta elordada 6 jerasty ótkeli bar: Bógenbaı batyr dańǵyly ( «Shapaǵat» kommýnaldyq bazar, Kenesary k-si («Kongress Holl»), Respýblıka dańǵyly («Samal» shaǵyn aýdany), Baraev k-si («Ramstor» SÚ), Orynbor k-si (Trıýmfaldy arka), Turan dańǵ. («Han shatyr» SOO).
