Aldaǵy jyly Almatyda aýyr atletıka bazasy salynady - Qaırat Turlyhanov
ALMATY. Qyrkúıektiń 30-y. QazAqparat /Erbol Turymbetov/ - Kelesi jyly Almatyda aýyr atletıka sportshylaryn daıarlaý bazasy salynady.
Bul týraly QR Aýyr atletıka qaýymdastyǵynyń prezıdenti Qaırat Turlyhanov jýrnalısterge bergen suhbatynda málim etti.
Onyń aıtýynsha, bundaı bazalar álem elderiniń basym kópshiliginde bar. «Chempıon atanyp jatqan sportshylarymyzdyń keıbiriniń turǵylyqty jerinde nemese jattyǵý ortalyqtarynda olqylyqtar kezdesip qalyp jatyr. Sondyqtan, búgingideı aýyr atletıkamyzdyń qarqyndy damyǵan kezinde, úlken tabystarǵa jetip jatqan ýaqytynda barlyq talaptarǵa jaýap beretin bir ortalyqtyń bolýy zańdy», deıdi Q. Turlyhanov.
Keler jyly qurylysy bastalady dep josparlanyp otyrǵan bazaǵa «Samuryq-Qazyna» ulttyq ál-aýqat qory demeýshilik jasap otyr.
