Aldaǵy jyly 2026 astanalyq úlesker baspanaly bolady
«2023 jyly týraly aıtsaq, kelesi jyly qalǵan 11 nysandy aıaqtaýdy josparlap otyrmyz. Bul: «Trıýmf Sıtı», «Arystan» (3 kezek), «Arabı Granıtnyı», «Zere» «Altyn bulaq», «Mırnyı dom», «Future Home», «Terrıtorııa komforta-1», «Jaǵalaý-4»(№3 polıgon), «Anisa» (2 kezek), «Sadovye kvartaly» (1 kezek). Bul sharalar 2026 úleskerdi qamtıdy», - dedi ol qalalyq máslıhattyń qurylys, ekologııa, kólik, saýda jáne turǵyn úı-kommýnaldyq sharýashylyq máseleleri jónindegi turaqty komıssııanyń otyrysynda.
Sondaı-aq, ol astanadaǵy 1000 úleskerdiń úıine «Tsentrkredıt» banki qarjy salýǵa daıyn ekenin aıtty.
«Tsentrkredıt bankimen kelisim jasalǵanyn jaǵymdy jańalyq retinde aıtqym keledi. Bul jeke ınvestordyń 100 paıyz qarjysynyń esebinen úleskerler problemasyn sheshýge múmkindik beredi. Osy kelisimshart aıasynda 1000 shaqty adam bıýdjet qarajatynsyz óz páterine kire alady», - dedi Rýslan Kadesov.
