Aldaǵy jylý berý maýsymyna daıyndyǵy tómen óńirler ataldy
ASTANA. QazAqparat – Aldaǵy jylý berý masymyna bilim berý nysandarynyń 88 paıyzy daıyn. Bul týraly Indýstrııa jáne ınfraqurylymdyq damý vıtse-mınıstri Іlııas Ospanov aıtty, dep habarlaıdy QazAqparat tilshisi.
«Qazir áleýmettik obekter men turǵyn úılerdi jylý berý kezeńine daıyndaý jumystary atqarylyp jatyr. Bilim berý nysandarynyń daıyndyǵy 88 paıyz (jospar – 10 677, naqty – 9 399). Daıyndyqtyń tómen qarqyny Mańǵystaý (52,1%), Almaty (64,4%) jáne Jambyl (77,8%) oblystarynda baıqaldy.
Oqý jylynyń bastalýyna bir aptadan az ýaqyt qalǵanyn eskersek, osy óńirlerde jedel is-sharalar qabyldaý qajet», - dedi І. Ospanov Úkimet otyrysynda.
Onyń aıtýynsha, densaýlyq saqtaý nysandary boıynsha daıyndyq 88,6 paıyz, ıaǵnı 5 661 nysannyń 5 015-i daıyn. Almaty (58,1%), Mańǵystaý (68,6%) oblystarynda jáne Almaty qalasynda (74,2%) tómen kórsetkishter baıqaldy.
«Turǵyn úıler boıynsha daıyndyq jumystary 37 555 úıde aıaqtaldy, bul jospardyń 75,1%-y (barlyǵy 50 021 úı). Mańǵystaý (26,1%), Almaty (61,4%) oblystarynda jáne Shymkent qalasynda (68,5%) turǵyn úı daıyndyǵynyń tómen qarqyny anyqtaldy», - dedi vıtse-mınıstr.
