Aldaǵy jyldyń 3 qańtarynan bastap «Almaty-2 - Petropavl» júrdek poıyzy kún saıyn júredi
NUR-SULTAN. QazAqparat – «Jolaýshylar tasymaly» aktsıonerlik qoǵamynyń baspasóz qyzmeti jolaýshylar poıyzdarynyń qozǵalys kestesindegi ózgerister týraly málim etti, dep habarlaıdy QazAqparat.
Baspasóz qyzmetiniń málimetterine qaraǵanda, QR aýmaǵynda koronavırýs ınfektsııasynyń paıda bolýy men taralýyna jol bermeý jónindegi vedomstvoaralyq komıssııanyń 2020 jylǵy 24 jeltoqsandaǵy sheshimine sáıkes 30 jeltoqsan saǵat 00:00-den bastap Aqmola oblysynyń aýmaǵynda ornalasqan barlyq stansalar boıynsha temirjol bıletterin satýǵa jáne jolaýshylardy otyrǵyzýǵa/túsirýge ruqsat etildi.
Sondaı-aq, ulttyq tasymaldaýshy 2021 jyldyń 3 qańtarynan bastap «Almaty-2 – Petropavl» qatynasyndaǵy №105/106 júrdek poıyzynyń kún saıyn júretini týraly habarlaıdy (burynǵy nómiri №705/706).
«Jolaýshylar poıyzdarynyń qozǵalys kestesi boıynsha ózekti aqparattardy alý úshin «Qazaqstan temir joly» UK» AQ áleýmettik jelilerdegi paraqshalary men Bilet.railways.kz saıtyna tirkelýlerińizdi suraımyz. Sondaı-aq, jolaýshylar poıyzdarynyń qozǵalys kestesi boıynsha barlyq anyqtamalyq aqparatty «105» nómiri arqyly alýǵa bolady. Koronavırýs ınfektsııasynyń taralýy kezeńinde jolaýshylarǵa temirjol bıletterin onlaın rásimdeýdi, karantın talaptaryn, áleýmettik qashyqtyqty jáne vokzal aýmaǵy men poıyz ishinde betperde rejımin qatań saqtap júrýlerińizdi suraımyz»,-delingen habarlamada.
