Aldaǵy jyldary Ulttyq bank jumysynda qandaı ózgeris bolady

NUR-SULTAN. QazAqparat – Ulttyq bank 2023 jyldan bastap ekonomıkany qoldaýdyń memlekettik baǵdarlamalarynan kezeń-kezeńimen shyǵady. Bul týraly Úkimettiń keńeıtilgen otyrysynda Ulttyq bank basshysy Erbolat Dosaev málim etti, dep habarlaıdy QazAqparat tilshisi.

«2021 jyly Ulttyq banktiń 2023 jyldan bastap ekonomıkany qoldaýdyń memlekettik baǵdarlamalarynan kezeń-kezeńimen shyǵýyn eskere otyryp, ekonomıkany kredıtteýdiń naryqtyq qaǵıdattaryn damytý úshin qajetti jaǵdaılar jasalatyn bolady», - dedi E. Dosaev.

UB málimetinshe, ekonomıkaǵa kredıtter 2020 jyly uzaq merzimdi kredıtterdiń ósýi nátıjesinde 14,6 trln teńgege deıin 5,5 paıyzǵa ulǵaıdy.

Aqsha-kredıt talaptarynyń jeńildeýine qaraı jáne ekonomıkany qoldaý baǵdarlamalary esebinen ekonomıkanyń naqty sektoryna kredıttik resýrstardyń quny 11,4 paıyzǵa deıin tómendep keledi.

«Kásiporyndarǵa kredıtter bir jyl ishinde 1,5 paıyzǵa azaıǵanmen, shaǵyn bızneske kredıtter 19,3 paıyzǵa nemese 406,4 mlrd teńgege artty. Halyqqa kredıtter ıpotekalyq kredıtter portfeliniń 34,3 paıyzǵa nemese 606 mlrd teńgege ulǵaıýy esebinen 13,0 paıyzǵa ósti», - dedi Ulttyq bank tóraǵasy.