Aldaǵy jyldary elimizde munaı óndirý kólemi qaı deńgeıde bolady

NUR-SULTAN. QazAqparat – 2021 jyly 86 mln tonna munaı óndiriletin bolady. Bul týraly Parlament Májilisiniń jalpy otyrysynda Ulttyq ekonomıka mınıstri Rýslan Dálenov 2021-2025 jyldarǵa arnalǵan áleýmettik-ekonomıkalyq damý boljamyn baıandaý kezinde aıtty, dep habarlaıdy QazAqparat tilshisi.

«2021 jyly munaı óndirý 86 mln tonnadan 2025 jyly 100,7 mln tonnaǵa deıin ósedi. Barlyq bazalyq salalarda oń ósý kútilýde. Óńdeý ónerkásibi jylyna orta eseppen 6,7 paıyzǵa kóterilip, ken óndirý ónerkásibine qaraǵanda 2,9 paıyz ozyq qarqynmen ósetin bolady. Ortasha jyldyq ósý qarqyny aýyl sharýashylyǵynda - 6,2%, saýdada - 5,5% quraıdy», - dedi R. Dálenov.

Onyń sózine qaraǵanda, taýarlar eksporty 2021 jyly 41,4 mlrd dollardy qurap, 2025 jyly 51,5 mlrd dollarǵa deıin ulǵaıýy kútilýde. Import 2021 jylǵy 36,3 mlrd dollardan 2025 jyly 37,8 mlrd dollarǵa deıin ósedi.

Budan buryn habarlanǵandaı, bazalyq stsenarııde jalpy ishki ónimniń naqty ósýi 2021 jyly 2,8 paıyz deńgeıinde boljanyp otyr. 2025 jyly ol 4,6 paıyzǵa jetedi.