Aldaǵy jyldary elimizde 34 farmatsevtıka fabrıkalary salynady - Á. Isekeshov

ASTANA. Jeltoqsannyń 4-i. QazAqparat /Qanat Mámetqazyuly/ -Indýstrııalyq-ınnovatsııalyq damý baǵdarlamasy sheńberinde aldaǵy jyldary elimizde 34 farmatsevtıkalyq fabrıka salý josparlanýda.

  Bul týraly QR Parlamenti Senatynda «Taýarlardy, qyzmetterdi satyp alý barysynda qazaqstandyq qamtý úlesin arttyrýdyń memlekettik saıasaty» atty taqyrypta ótken dóńgelek ústel jıynynda Indýstrııa jáne saýda mınıstri Áset Isekeshov málim etti, dep habarlaıdy QazAqparat.

 «Qazaqstandyq qamtý máselesimen aınalysa otyryp, údemeli ındýstrııalyq-ınnovatsııalyq damý baǵdarlamasyn da qosa júrgizip kelemiz. Sondyqtan da, aldaǵy besjyldyqta ındýstrııalyq-ınnovatsııalyq damý baǵdarlamasy ekonomıkanyń basym salalaryn damytýda negizgi qujat bolyp tabylady. Bul rette qazaqstandyq qamtý máselesi ındýstrııalyq damýda bir blok retinde jeke qarastyrylyp otyr. Osynyń ózi mashına jasaý, aýyl sharýashylyǵy, farmatsevtıka sekildi salalar úshin qýatty qural bolyp tabylady. Biz qazirgi tapsyrystardyń negizinde túpki nátıjeni boljaı alamyz. Máselen, densaýlyq saqtaý salasy boıynsha aldaǵy ýaqytta elimizde 34 zamanaýı farmatsevtıkalyq fabrıkalar salynatyny josparlanýda», dedi Á. Isekeshov.

 Mınıstrdiń aıtýynsha, ındýstrııalyq-ınnovatsııalyq damý baǵdarlamasynda qazaqstandyq qamtý máselesi men otandyq óndirýshilerdi qoldaý sharalary tıimdi júzege asatyn bolady.