Aldaǵy jyldary elimizde 16 iri aýrýhana salynady

NUR-SULTAN. QazAqparat – QR Densaýlyq saqtaý mınıstri Eljan Birtanov memlekettik-jekeshelik áriptestik baǵytynda salynatyn nysandar týraly aıtty, dep habarlaıdy QazAqparat tilshisi.

«Jalpy, 2026 jylǵa deıin densaýlyq saqtaý salasynda 1,5 trln teńge ınvestıtsııa tartý josparlanyp otyr. Onyń 60 paıyzy memlekettik-jekeshelik áriptestik aıasynda. 19 myń jumys ornyn qamtamasyz ete otyryp, 838,5 mlrd teńge somasynda 16 iri aýrýhana salýdy josparlap otyrmyz», - dedi mınıstr Úkimet otyrysynda.

Onyń sózine qaraǵanda, búginde ınvestıtsııalardyń jalpy kólemi 439 mlrd teńgege teń 7 memlekettik-jekeshelik áriptestik jobasy iske asyrylýda.

«Bul turǵyda Petropavl, Túrkistan, Nur-Sultan qalalaryndaǵy úlken aýrýhanalardy qamtyp otyr. Sonymen qatar, Almaty men Qaraǵandyda ýnıversıtettik klınıkalar qurylysy boıynsha tıisti sharalar atqarylýda. Áleýetti ınvestorlarmen jeke qarjylyq bastamalardyń daıyndyq jumystary iske asyrylýda», - dedi Birtanov.

Onyń atap ótýinshe, budan bólek mınıstrlik quny 400 mlrd teńgege jýyq ınvestıtsııalardyń qosymsha 9 jobasyn pysyqtaýǵa kiristi.