Aldaǵy jyldary Astanada 3 kópir salynady
ASTANA. QazAqparat - Astana ákimdigi qalany barynsha jınaqy salýdyń 2023 jylǵa deıingi keshendi josparyn túzdi, dep habarlaıdy QazAqparat qala ákimdiginiń saıty.
Astana qalasynyń ákimdigi, qalanyń kólik júıesin jańǵyrtý sheńberinde eń aldymen áleýmettik baǵyttaǵy baǵdarlama ázirlegen. Bul týraly brıfıngte kólik jáne jol-kólik ınfraqurylymyn damytý basqarma basshysynyń orynbasary Álıhan Kýatbekov aıtty.
Onyń aıtýynsha, aldaǵy jyldary Astanada jańadan úsh kópir salynady.
«Aldaǵy 5 jylda 121 shaqyrymdy quraıtyn jol salý jáne 3 kópir men 2 jolaıryq salý josparlanyp otyr. Onyń biri jol ótpe, biri tonnel. Bul magıstraldyq kóshelerdiń kólik ótkizý qýatyn arttyrady», - dedi A.Qýatbekov.
Sonymen qatar ol, ótken 3 jylda qalamyzda 110 shaqyrymdyq jańa jol salynǵanyn, 102 shaqyrymdyq jol jóndelgenin aıtyp ótti.
Jyl sońyna deıin 28 shaqyrymdyq jańa joldyń qurylysy aıaqtalady. Qazir qalamyzda 1 102 shaqyrymdy quraıtyn 1 039 kóshe bar jáne 8 kólik aıryǵy, 17 avtojol kópiri, 7 jer asty jáne 4 jer ústi jaıaý júrginshiler ótkeli, 9 jol ótpesi, 1 tonnel bar.
