Aldaǵy jyldary 12 ońaltý ortalyǵy salynady

ASTANA. QazAqparat – Bıyl Múgedektigi bar adamdardy qoǵamǵa jedel ıntegratsııalaý úshin 12 ońaltý ortalyǵyn salý josparlanǵan. Eńbek jáne halyqty áleýmettik qorǵaý mınıstri Tamara Dúısenova vedomstvonyń keńeıtilgen alqa májilisinde aıtty osyndaı málimet keltirdi, dep habarlaıdy QazAqparat tilshisi.

«Bıyl Semeı jáne Kentaý qalalarynda ońaltý ortalyqtary paıdalanýǵa beriledi, olar 1 shildeden bastap alǵashqy qyzmet alýshylardy qabyldaıdy.

Osy jyldyń 1 aqpanynan bastap Áleýmettik qyzmetter portalynyń jańa formaty iske asyrylady. Portalda taýarlar men qyzmetterdiń parametrleri týraly tolyq aqparat usynylady, jetkizýshilerge jáne olardyń taýarlarynyń sapasyna jańa jáne qatań talaptar qoıylady. Budan basqa, múgedektigi bar adamdarǵa portal arqyly ónim berýshilerdiń is-áreketterine shaǵymdardy jiberý múmkindigi beriledi», - dedi ol.

Sondaı-aq ol normatıvtik quqyqtyq bazany ózektendirý boıynsha sharalar qabyldanyp jatqanyn eske saldy.

«Ótken jyldyń qarasha aıynda múgedektigi bar adamdardyń ómir súrý sapasyn arttyrýdyń ulttyq josparyna ózgerister engizildi, al zańnamalyq bekitýdi talap etetin ózgeristerdiń bir bóligi Áleýmettik kodeks jobasyna engizildi. QR Parlamenti Májilisinde Múgedekterdiń quqyqtary týraly konventsııaǵa Fakýltatıvtik hattamany ratıfıkatsııalaý boıynsha jumys bastaldy», – dedi Tamara Dúısenova.