Aldaǵy jyldan bastap elimizdegi eń tómengi zeınetaqy, bazalyq zeınetaqyny qosqanda 24 myń teńge kóleminde bolady

Al eń joǵary zeınetaqy 52 myń teńgeden asady. Bul týraly búgin Parlament Senatynda osy másele boıynsha qaralǵan zań jobasy boıynda baıandama jasaǵan Eńbek jáne halyqty áleýmettik qorǵaý mınıstrliginiń Jaýapty hatshysy Tamar Dúısenova málim etti.

«Elbasynyń Joldaýyna sáıkes biz 2011 jyly 2007 jylmen salystyrǵanda, zeınetaqyny 2,5 esege arttyrýymyz kerek bolatyn. 2009 jáne 2010 jyldary biz zeınetaqyny 25 paıyzǵa kóterdik. Al 2011 jyly ol 30 paıyzǵa deıin kóterilgeli otyr. Sonymen birge bazalyq zeınetaqynyń kólemi de artady. Bul kúnkóris deńgeıiniń 50 paıyzyna teń. ıAǵnı, 2011 jyldyń 1 qańtarynan bastap, zeınetkerler 8 myń teńge bazalyq zeınetaqy men 30 paıyzdyq ústemesi bar zeınetaqyny alady», - dedi Jaýapty hatshy.

Onyń sózine qaraǵanda, burynǵy zeınetkerler men bıylǵy jyly zeınetke shyǵatyn zeınetkerlerdiń alatyn zeınetaqylary birdeı bolýy úshin zeınetaqy tabysynyń kólemin 32 aılyq eseptik kórsetkishten 39-ǵa deıin joǵarylaǵan. Nemese 49 myń teńgeden 58 myń 800 teńgege deıin kóterilip otyr. «Osyǵan qaraı aldaǵy jylǵy bıýdjette zeınetaqyny kóterý jónindegi qarjylar tolyq qaraldy. Bazalyq zeınetaqyǵa endigi jyly biz 168 mıllıard teńge, al yntymaqtyq zeınetaqyǵa 581 mıllıard teńge kóleminde qarjy jumsaǵaly otyrmyz. Bul qarjyny 1 mıllıon 671 myń adam alady», - dedi T.Dúısenova.