Aldaǵy jyldan bastap Astana - Býrabaı avtojolynan tólemaqy alyna bastaıdy
ASTANA. 6 jeltoqsan. QazAqparat - Búgin Parlament Senatynyń jalpy otyrysynda palata depýtattary «Qazaqstan Respýblıkasynyń keıbir zańnamalyq aktilerine salyq salý máseleleri boıynsha ózgerister men tolyqtyrýlar engizý týraly» zań jobasyn talqylap, qujatqa birqatar ózgerister engizip, Májiliske qaıtardy.
Eske salsaq, zań jobasy buǵan deıin birinshi oqylymda maquldanǵan bolatyn. Al ekinshi oqylymda qaraý barysynda senatorlar birqatar ózgeristerdi engizdi. Atap aıtqanda, bankterdiń úmitsiz bereshek boıynsha rezervterdi esepten shyǵarýy merzimin uzartýǵa qatysty, sondaı-aq bankterdiń strestik aktıvterin basqarý jónindegi uıymdarǵa bergen kúmándi jáne úmitsiz aktıvter dep tanylǵan kredıtter boıynsha talap etý quqyqtary aıqyndaldy.
Budan bólek, Senat Qazaqstan rezıdentteri emes bank holdıngteriniń ınvestıtsııalyq jáne beıindi emes qyzmetterin shekteý, sondaı-aq bank jáne saqtandyrý holdıngteriniń enshiles uıymdardy qurýǵa ruqsat alýyna tolyqtyrýlar engizdi.
Sonymen qatar, ózgeristerdiń bir parasy kerosındi paıdalanǵany úshin 2014 jylǵy 1 qańtardan bastap qorshaǵan ortaǵa emıssııa úshin tólemaqy mólsherlemelerin engizýge, 2013 jylǵy 1 qańtardan bastap Astana-Býrabaı avtojolymen júrýge tólemaqy alýǵa qatysty bolyp otyr.
