Aldaǵy jylda 48 mln. teńgege 14 stýdenttik ǵylymı joba qarjylandyrylady
ASTANA. 16 qazan. QazAqparat - Búgin Nazarbaev ýnıversıtetinde jas zertteýshiler men stýdentterdiń ǵylymı jobalary baıqaýynyń jeńimpazdaryna zertteý granttaryn usyný rásimi ótti. Baıqaýdy Nazarbaev ýnıversıtetiniń Energetıkalyq zertteýler ortalyǵy men «Shevron» kompanııasy uıymdastyrdy.
Baıqaýǵa usynylǵan 22 jobanyń 12-si tańdap alyndy. Al qalǵan 10 stýdenttik jobanyń ekeýi qarjylandyrylatyn bolyp sheshildi. Sonymen, 2013 jyldyń ishinde grantqa ıe bolǵan 14 ǵylymı joba iske asyrylady dep josparlanyp otyr. Olarǵa bólinetin granttardyń jalpy somasy 48 mln. teńgeni quraıdy.
Baıqaýda jańartylǵan energııa kózderi, ıadrolyq energetıka salasyndaǵy zertteýler, plazmalyq fızıka, nano-tehnologııalar jáne materıaltaný salasyndaǵy zertteýler, qorshaǵan ortaǵa, atap aıtqanda, bıologııalyq , hımııalyq jáne ekologııalyq ortaǵa energetıka sektorynyń áserin pánaralyq zertteý jumystary qatystyryldy.
Uıymdastyrýshylardyń aıtýynsha, zertteýlerdiń qoldanbaly sıpatyna erekshe mán berildi. Olardyń birqatary zertteý men ázirleý jumystary aıaqtalǵan soń kommertsııalandyrylyp, tutynýshylar nazaryna usynylýy múmkin.
