Aldaǵy jeksenbide máslıhat depýtattaryn saılaý ótedi

Bul aqparaty QR Ortalyq saılaý komıssııasynyń baspasóz qyzmeti taratyp otyr.

Mekemeniń taratqan málimetteri boıynsha, barlyq oblystyq máslıhattardyń - 11, qalalyq máslıhattardyń - 7 jáne aýdandyq máslıhattardyń 34 depýtaty saılanbaq. Saılaý qajetti qarjylyq, materıaldyq resýrstarmen tolyq qamtamasyz etilgen. Saılaýǵa qatysatyn 149 kandıdattyń 54-in saıası partııalar, 2-in - qoǵamdyq uıymdar, al 93-i ózin-ózi usynǵan. «Nur Otan» halyqtyq- demokratııalyq partııasynan barlyq 52 saılaý okrýgi boıynsha kandıdattar bar.

«Qazirgi ýaqytta máslıhat depýtattyǵyna kandıdat retinde 120 adam tirkelgen. Olardyń 54-i elimizdegi saıası partııalarynyń músheleri, 51-i - partııada joq, al 15-i - partııaǵa qatystylyǵyn kórsetpegen. Tirkelgen kandıdattardyń 104-i - er adamdar, 16-sy - áıelder. 97 kandıdat joǵary, 14 kandıdat orta arnaýly, 9 kandıdat orta bilimdi» delingen baspasóz habarlamasynda.

OSK-niń habarlaýynsha, qazirgi kezde saılaýaldy úgittiń sońǵy kezeńi ótýde. Ol búgin túngi saǵat 24.00-de aıaqtalady. Saılaý qarsańyndaǵy kúni jáne daýys berý kúni úgit júrgizýge tyıym salynǵan. Saılaý naýqany saılaý zańnamasy talaptaryna sáıkes ótýde. Komıssııaǵa úmitkerler tarapynan túsken shaǵymdar men ótinishter joq.

Daýys berý 2010 jylǵy naýryzdyń 28-inde 317 saılaý ýchaskesinde ótedi. Saılaý zańnamasyna sáıkes, árbir saılaý ýchaskesinde tıisti ákimniń qoly qoıylǵan saılaýshylar tizimi saılaý komıssııasyna zańmen belgilengen merzimde akt boıynsha usynylǵan. Árbir azamat saılaýshylar tizimindegi ózi týraly aqparatty tekserýge jáne tizimge engizilmeýi, durys engizilmeýi nemese tizimnen shyǵarylyp tastaýy, sondaı-aq tizimderdegi saılaýshylar týraly málimetterde oryn alǵan dálsizdikter týraly shaǵymdanýǵa quqyly.