Aldaǵy jeksenbide «Habar» arnasynda Atyraý jáne Qostanaı oblystarynyń komandalary saıysqa túsedi

Bul týraly «Habar» telearnasynan habarlady.

Munda Qazaqstannyń barlyq oblysynan jınalǵan 14 komanda synǵa túsedi. Osy jeksenbide, 6 qańtar kúni saǵat 18.30-da kórermender baǵdarlamanyń jańa sanyn - atyraýlyq aǵaıyn men Qostanaı jurtshylyǵy arasyndaǵy dúbirli dodany tamashalaıdy. Top músheleriniń azdyǵyna qaramastan, atyraýlyqtar uıymshyldyq pen myzǵymas birlikti kórsete aldy. Al qostanaılyqtar kópshilikti áýede jasalatyn trıýkterimen baýrap, tipti ánshi Merýert Túsipbaeva da top músheleriniń birine turmysqa shyǵýǵa qarsy emes ekendigin jasyrmady.

Esterińizge túsire keteıik, barlyq oblys komandalaryn bir alańǵa túıistirgen «Aımaqtar alamany» jobasy óz kórsetilimin jeltoqsan aıynyń ortasynan bastady. Komandalar eń úzdik aımaq ataný quqyǵy úshin talasqa túsedi. Ár baǵdarlama saıyn eki oblys saıysyp, jeńimpazdar jartylaı fınalǵa joldama alady.

Qatysýshylar tórt bólim boıynsha synalady: án saıysy, bı jarysy, daryndylar dodasy jáne qazaqsha kúres. Jobada jas jaǵynan da, janr jaǵynan da shekteý qoıylmaǵan.

Mańǵystaý, Qaraǵandy, Soltústik Qazaqstan, Ońtústik Qazaqstan oblystary saıysqa barlyq ónerin salyp, óz baqtaryn synap kórdi. Endigi taıtalas - Atyraý men Qostanaı oblystary arasynda.

Osy jeksenbide, Atyraý oblysy óz talanttaryn qalyń jurtshylyq qaýymnyń nazaryna usynady. «Án saıysy» boıynsha óz oblysynyń namysyn qorǵaý baǵy Hamıl Súıekbaevqa buıyrdy. Nazgúl Júsipova jalyndy «Chıntaksa» uıǵyr bıi arqyly ádil-qazy alqalarynyń kóńilin tabýǵa tyrysady. Al eń maqtanarlyq talant - erekshe janr «talanttar dodasynda» saıysqa túsetin, óz oblysynda tanymal «Shege jáne Naıza» qoıylymymen Temirlan Esdáýlet bolmaq. Qazaqsha kúreste - Dastan Baqtybaı. Alaıda, ádilqazy alqalary top músheleriniń quramy az dep min aıtty.

- Bizdiń top - sany jaǵynan eń azy - deıdi joba qatysýshysy, Jantórın atyndaǵy oblystyq fılarmonııanyń kórkemdik jetekshisi Hamıl Súıekbaev. - Ózge oblystardan 25 adamnan kelgen, al bizdiń topta bar-joǵy 4-aq adam. Ádilqazy alqalary aıtqan eskertýge jaýabymyz jalǵyz: «Bastysy san emes, sapa».

Qostanaı oblysynyń namysyn qorǵaıtyndar: halyq áni «ıApýr-aıdy» oryndaıtyn talatty ánshi Ernar Sadyrbaev, «Aqbota» ulttyq bı ansambli jáne «Arena Chýdes» ulttyq tsırk gımnastary men akrobattary. Qazaqsha kúres saıysynda qostanaılyqtar alyp Azamat Eradilovqa qoldaý kórsetedi.

Qostanaılyqtar áýede oryndalatyn tańǵajaıyp trıýktar daıyndap kelgen eken, ol olar oılaǵandaı shyǵa ma? Kim qazylardy tańqaldyrar eken: tili ot oraǵan qatysýshy ma álde bolattaı qatty balta-adam ba? Ne sebepten Merýert Túsipbaeva qatysýshylardyń birine turmysqa shyqqysy keldi? Ol ánshini nesimen qyzyqtyrdy?

Bul suraqtardyń jaýabyn «Aımaqtar alamany» jobasynyń jańa shyǵarylymynan bile alasyzdar!

Qatysýshylar ónerin baǵalaıtyn qazylar alqasy quramyna sport, estrada juldyzdary men saıasatkerler kiredi. Turaqty músheleri - ánshi Maıra Іlııasova, «JADO» sán úıiniń dırektory, dızaıner, horeograf Jadyra Sahıeva, osy ýaqytqa deıin qazylar quramynda «Habar» Agenttiginiń bas prodıýseri Rınat Kertaev, halyq súıiktisi, ánshi Roza Rymbaeva men estrada metri Sembek Jumaǵalıev bolyp úlgerdi.

- Jobanyń shırek fınalyna eń kóp upaı jınaǵan 8 oblys óte alady, al qalǵan 6 oblystyń qatysýshylaryna saıystan shyǵýǵa týra keledi - deıdi «Habar» Agenttigi» AQ baǵdarlamalar dırektsııasynyń Bas prodıýseri Rınat Kertaev. - Odan ózge, shırek fınalda qazylar alqasynyń quramy túbegeıli ózgeredi, bul ádildik prıntsıpi saqtalsyn degen oımen jasalady. Jarys fınaly 24 naýryzda ótedi. Osy kezde joba jeńimpazy anyqtalyp, jeńimpaz oblys uıymdastyrýshylary atynan 2 mıllıon qarjylaı syılyqtyń ıegeri atanady. Uıaly telefonmen daýys berý arqyly «kórermender kózaıymy» nomınatsııasynyń ıegeri anyqtalady.

70153 qysqa nómerinen keıin kórsetilgen oblystyń nómerin terip, qońyraý shalý arqyly unaǵan komandańyzǵa daýys bere alasyzdar (qońyraý quny Kcell, Active, Beeline abonentterine 145 teńge).