Aldaǵy jeksenbide Astanada qar kúni ótedi
ASTANA. QazAqparat - Dúnıejúzilik qar kúnine oraı Astanada jeksenbi kúni balalarǵa arnalǵan sharalar ótedi, dep habarlaıdy QazAqparat.
«21 qańtar kúni Astananyń ortalyq parkinde - Dúnıejúzilik qar kúnine arnalǵan balalar arasynda túrli jarystar men is-sharalar ótedi»,-delingen Qazaqstannyń shańǵy jarysy ulttyq federatsııasynyń habarlamasynda.
Bul mereke jyl saıyn bir mezgilde álemniń 30 memleketinde Halyqaralyq shańǵy federatsııasynyń qoldaýymen ótedi. Mereke jastar arasynda shańǵy sportynyń tanymaldylyǵyn arttyrý, salamatty ómir saltyn nasıhattaý, qorshaǵan ortaǵa qamqorlyq tanytýǵa úndeıdi.
Astanada Dúnıejúzilik qar kúni 2013 jyldan beri atalyp ótip keledi. Oǵan jyl saıyn eldiń barlyq aımaqtarynan 200-ge jýyq shańǵymen syrǵanaýshylar qatysady.
Mereke baǵdarlamasynda kóńildi starttar, balalarǵa arnalǵan shańǵy jarystary, taza aýadaǵy qyzyqty balalar konkýrstary, tóbeden shanamen syrǵanaý, banan men tıýbıngterde syrǵanaý sııaqty sharalar bar.
Sharaǵa qazaqstandyq palýan, Gınnestiń rekordtar kitabyna engen sportshy Sergeı Tsyrýlnıkov pen halyqaralyq dárejedegi sport sheberi, álem chempıonattary men ýnıversıadalardyń birneshe márte júldegeri Mark Starostın shaqyrylǵan.
Dúnıejúzilik qar kúni sharasyna qatysý barlyq balalar úshin tegin.
