Aldaǵy úsh jylda jylý energetıkasy men kólik ınfraqurylymyn damytýǵa 1 trln.-nan astam teńge bólinedi
Bul týraly búgin Úkimet otyrysynda «2013-2015 jyldarǵa arnalǵan respýblıkalyq bıýdjet týraly» QR Zań jobasyn usynǵan Qarjy mınıstri Bolat Jámishev málim etti.
«Jylý energetıkasy júıesin damytýǵa 2013-2015 jyldary tolyqtaı alǵanda 190,3 mlrd. teńge, onyń ishinde 2013 jylǵa 82,3 mlrd. teńge qarastyrylǵan. Úsh jyldyq kezeńde kólik ınfraqurylymyn damytýǵa 936,5 mlrd. teńge bólý qarastyrylǵan», - dedi ol.
Mıınstrdiń sózine qaraǵanda, keler jyly kólik ınfraqurylymyn damytýǵa 366,2 mlrd. teńge bólinip, atalǵan qarjyǵa «Batys Eýropa - Batys Qytaı», «Beıneý-Aqtaý-Túrkimenstan shekarasy» jobalaryn júzege asyrý, respýblıkalyq mańyzy bar joldardy jańǵyrtý jáne jóndeý, jergilikti mańyzy bar joldardy, ózen jáne sý kólikterin damytý jalǵastyrylatyn bolady.
«Sonymen qatar, bıýdjet jobasynda 22,4 mlrd. teńgege ınfraqurylymdyq jobalardy júzege asyrý qarastyrylǵan. Atap aıtqanda, «Qorǵas-Jetigen» temir joly, «Beıneý-Bozoı-Aqbulaq» magıstraldy gaz qubyry qurylysyn aıaqtaý, «Samuryq-Qazyna» UÁQ» AQ jarǵylyq kapıtalyn arttyrý arqyly «GTsPP-Osakarovkada» 220 kV joǵary voltty jelilik sheńberdi jańǵyrtý júrgiziledi», - dedi B.Jámishev.