Aldaǵy úsh jylda Qaraǵandy oblysynda 28 myńnan astam balaǵa arnalǵan jańa mektepter salynady
«Bilim berý, densaýlyq saqtaý, sport jáne mádenıet ınfraqurylymyn damytý. Bul baǵyttaǵy jumystar azamattardyń turmysyna tikeleı áser etedi. Men urpaqtyń sapaly bilim alýyna basa mán berip otyrmyn. Meniń bastamammen «Jaıly mektep» ulttyq jobasy qolǵa alyndy. Ony búkil elimiz boıynsha júzege asyryp jatyrmyz. Aldaǵy 3 jylda osy óńirdiń ózinde 28 myńnan astam balaǵa arnalǵan jańa mektepter salynatyn bolady. Kelesi jyly qurylys bastalady. Sondyqtan, jer telimin bólý jáne ony kommýnaldyq jelilerge qosý máselesi qazirden bastap sheshimin tabýǵa tıis», - dedi QR Prezıdenti kezdesýde.
Sonymen qatar Prezıdent medıtsınalyq bilim berý júıesin damytý – basty mindettiń biri ekenin jetkizdi«Qaraǵandy medıtsına ýnıversıteti búkil elimiz úshin bilikti mamandar daıarlaıdy. Bul oqý ornyn dárigerler ustahanasy deýge bolady. Quzyrly mınıstrlik ýnıversıtetter janynan 5 aýrýhana salý týraly joba usyndy. Sonyń biri Qaraǵandyda salynady. Ýnıversıtet klınıkasynyń qurylysy kelesi jyly bastalýy kerek. Ony zamanaýı quraldarmen jabdyqtaý qajet. Klınıka osy óńirde medıtsına ǵylymyn damytýǵa jáne jańa tehnologııalardy engizýge tyń serpin beredi den senemin», - dep tolyqtyrdy Memleket basshysy.