Aldaǵy úsh jylda ınflıatsııa qansha paıyz bolady

ASTANA. QazAqparat – Ulttyq banktiń basqarma tóraǵasy Ǵalymjan Pirmatov aldaǵy úsh jylda eldegi ınflıatsııa qalaı qubylatyny týraly boljam aıtty, dep habarlaıdy QazAqparat tilshisi.

«Bazalyq stsenarııdegi boljam aıtarlyqtaı qaıta qaraldy. 2022 jyldyń sońyna deıin ınflıatsııa 20-21% sheginde qalyptasady. Biz 2023 jylǵy 1-toqsanda jyldyq ınflıatsııanyń sharyqtaý shegine jetetinin boljaımyz.

Saýda qurylymyndaǵy ózgeristerdiń uzaqqa sozylýy tutyný taýarlarynyń azyq-túlikke jatpaıtyn segmentinde kórinis taýyp otyr. Saldarynan ınflıatsııanyń artýyna sebepker bolatyn alǵysharttar qalyptasyp otyr. Dezınflıatsııalyq syrtqy ortada ınflıatsııa boıynsha boljam 2023 jyldyń sońyna qaraı 11-13%-ǵa deıin kóterildi. 2024 jyly ınflıatsııa 7-9%, 2025 jyly 4-6% sheginde boljanady», - dedi Ulttaq bank basshysy.

Onyń málimetine qaraǵanda, ishki suranystar ınflıatsııanyń qazirgi deńgeıinde qalýyna qolaıly jaǵdaı týǵyzýy múmkin. Degenmen, ýaqyt óte kele dándi daqyldardyń baǵasy turaqtanyp, bul faktor ınflıatsııanyń tómendeýine yqpal etýi yqtımal.

«Bul ınflıatsııanyń biz boljap otyrǵan mejege jetýine múmkindik beredi», - dedi Ǵalymjan Pirmatov.