Aldaǵy úsh jylda hokkeıden álem chempıonaty qaıda ótetini belgili boldy
NUR-SULTAN. QazAqparat - Shaıbaly hokkeıden aldaǵy úsh jyldaǵy álem chempıonaty qaıda ótetini belgili boldy, dep habarlaıdy QazAqparat tilshisi.
Atalǵan týrnır 2023 jyly Fınlıandııanyń Tampere jáne Latvııanyń Rıga qalalarynda bolady.
Al 2024 jyly ol Chehııanyń Praga jáne Ostrava qalalarynda ótse, 2025 jyly ony uıymdastyrý mindeti Shvetsııa men Danııaǵa júktelgen.
Sondaı-aq, 2026 jyly dúbirli doda Shveıtsarııada ótkizilýi múmkin. Qazir atalǵan memleket jalǵyz úmitker sanalyp otyr.
Buǵan deıin úmitker retinde usynylyp kelgen Qazaqstan óz ótinimin qaıtaryp aldy.
Búginde Fınlıandııada álem chempıonaty ótip jatyr. Ol 29 mamyrda máresine jetedi.
Atalǵan synda Qazaqstan hokkeıshileri top-dıvızıondaǵy ornyn saqtap qaldy.
